OFERTA

Bu publika oferta, Azərbaycan Respublikasının qanunvericiliyi əsasında fəaliyyət göstərən İcraçı (bundan sonra “İcraçı” adlandırılacaq) tərəfindən hər kəsə təqdim olunur (bundan sonra “Müştəri” adlandırılacaq).

  1. Ofertanın predmeti

  1. İcraçı, müştəriyə anbar və satışları idarə etmək üçün bulud xidməti (SaaS) təqdim etməyi öhdəliyinə götürür. Xidmət, məhsulların hesabatını aparmaq, sifarişləri və satışları idarə etmək, fakturalar və hesabat sənədləri yaratmaq, analitik hesabatlar almaq və s. imkan verir və bundan sonra "Akul" adlanır. Müştəri isə bu Ofertanın tələblərini yerinə yetirməyi öhdəsinə götürür.

  1. Tərəflərin hüquq tə vəzifələri

  1. İcraçının vəzifələri:
  1. Qeydiyyatdan keçib login və parol aldıqdan sonra Müştəriyə https://akul.az saytından şəxsi hesaba girişi təmin edir.
  2. Müştərinin balansına 12 şərti kontur krediti verir.
  3. Müştərinin mülahizəsinə əsasən əlavə xidmətlərin qoşulması və ayrılması imkanını təmin edir.
  4. Qoşulmuş xidmətlərin qiymətlərinin cəminə bərabər olan məbləğ Müştərinin Akul xidmətindən faktiki istifadə etməsindən asılı olmayaraq gündəlik olaraq Müştərinin balansından avtomatik silinir. Eyni zamanda, İcraçı Müştəriyə şəxsi hesabında qoşulmuş xidmətlərin istifadəsinə baxmaq və onlara nəzarət etmək imkanı verməyi öhdəsinə götürür.
  5. Müştərinin balansı 0 şərti vahiddən aşağı düşərsə, İcraçı Müştərinin şəxsi hesabına girişini məhdudlaşdırmaq hüququna malikdir. Müştərinin balansı artırdıqdan sonra giriş avtomatik olaraq bərpa olunur.
  6. Xidmətdən istifadə edilmədikdə 90 gündən sonra bərpa imkanı olmadan Müştərinin hesabını və bütün əlaqəli məlumatları silir.
  7. Müştəridən müvafiq sorğunu aldıqdan sonra 24 saat ərzində Müştərinin hesabını və bütün əlaqəli məlumatları silir.
  8. İcraçı, hər gün məlumatların ehtiyat nüsxəsini çıxarmağı, onları 14 gün ərzində saxlamağı və itirildikdə məlumatları bərpa etməyi öhdəsinə götürür. Bununla belə, Müştərinin və ya üçüncü şəxslərin hərəkətləri nəticəsində və ya İcraçıdan asılı olmayan digər səbəblərə görə məlumatın itirilməsinə görə İcraçı məsuliyyət daşımır.
  9. Bu Ofertaya hər hansı səbəbdən xitam verildikdə, Müştəri anbarlardakı qalıqların və tərəf müqabillərlə olan borcların haqqında məlumatı tələb etmək hüququna malikdir. Bu halda, İcraçı Müştəriyə aşağıdakı məlumatları elektron formada təqdim etməyi öhdəsinə götürür: Müştərinin hesabında son əməliyyat zamanı Akul-da qeydiyyata alınmış malların tam siyahısı, anbarlardakı malların qalığı (anbarlara görə ayrılmır), qarşı tərəflərin siyahısı, habelə Müştərinin hesabında sonuncu əməliyyat zamanı onlar üçün qarşılıqlı hesablaşmalar. Məlumatların ötürülməsi Müştəridən müvafiq sorğunun alındığı tarixdən etibarən 10 iş günü ərzində həyata keçirilir. Bundan əlavə, İcraçı ötürülən məlumatların məxfiliyini və təhlükəsizliyini təmin etməyi öhdəsinə götürür.
  10. İcraçı, Müştərinin Akul-da olan məlumatına təsir göstərməyəcək proqram interfeysini, proqramın funksionallığını, texniki avadanlığı və fiziki olaraq yerləşdiyi yeri dəyişmək hüququna malikdir.

  1. Müştəri vəzifələri:

  1. Müştəri, bu Ofertaya uyğun olaraq daim balansını müsbət saxlamalıdır.
  2. Müştəri, xidmətdən Azərbaycan qanunveriliciyinə zidd olan məqsədlər üçün və ya Akul xidmətinin qaydaları və siyasətini pozaraq istifadə etməməlidir.
  3. Müştəri, rekvizitlərdə dəyişikliklər barədə İcraçıya məlumat verir.
  4. Müştəri, İcraçının əvvəlcədən yazılı razılığı olmadan Akul sisteminin kodlarını, proqram təminatını və ya məlumatlarını hər hansı şəkildə dəyişdirməyə, sındırmağa və ya zədələməyə cəhd və ya sistemə hər hansı əngəl törətməməyi öhdəsinə götürür. Sistemə, onun kodlarına və ya məlumatlarına zərər vurmaq və ya icazəsiz giriş əldə etmək cəhdi qüvvədə olan qanuna uyğun olaraq hüquqi nəticələrlə təhdid edilə bilər.
  5. Müştəri, texniki dəstək üçün hesabını idarə etmək hüququnu İcraçıya verdiyi halda, İcraçı tərəfdən görülən bütün əməliyyatlara nəzarət etməyi və məsuliyyəti öhdəsinə götürür.
  6. Müştəri Akul xidmətinin işində hər hansı səhv və ya nasazlıq aşkar edərsə, Müştəri bu barədə İcraçıya məlumat verməyi və xətanın və ya nasazlığın ətraflı təsvirini təqdim etməyi öhdəsinə götürür. Müştərinin İcraçı ilə əvvəlcədən razılaşmadan bu məlumatı üçüncü şəxslərə, o cümlədən internet resurslarında dərc etmək hüququ yoxdur. İcraçı Müştəridən müvafiq bildiriş aldıqdan sonra xidmətin fəaliyyətindəki səhvləri və nasazlıqları mümkün qədər tez aradan qaldırmaq üçün bütün lazımi tədbirləri görməyi öhdəsinə götürür.

  1. Xidmətlər və ödəniş

  1. Xidmətlərin qiymətləri İcraçı tərəfindən müəyyən edilir və bu Ofertanın imzalandığı tarixdən 1 ildən tez olmayaraq və dəyişikliklərin qüvvəyə minməsindən ən azı 30 (otuz) təqvim günü əvvəl Müştərini xəbərdar etməklə birtərəfli qaydada dəyişdirilə bilər.
  2. Xidmətlər və qiymətlərdə olunan dəyişiklər https://akul.az/prices.html  səhifəsində öz əksini tapır. Və aktual qiymət ən son olunmuş dəyişiklik sayılır.
  3. Xidmətlərə görə ödəniş Müştərinin balansını artırılmaqla həyata keçirilir. Balansın artırılması üsulları İcraçı tərəfindən müəyyən edilir. Müştərinin şəxsi hesabından, ödəniş terminalları və ya ödəniş terminallarının mobil proqramından istifadə edərək balansını artırmaq imkanı var. Bu üsullarla balansın artırılması halında, ödənilən məbləğ dərhal Müştərinin balansında əks olunur. İcraçının hesabına vəsait köçürüldüyü halda, vəsait İcraçının hesabına daxil olduqdan sonra 24 saat ərzində Müştərinin balansında əks olunur.
  4. İcraçı ödəniş sistemləri tərəfindən tutula biləcək komissiyaya görə məsuliyyət daşımır.
  5. İcraçı balansın artırılmasının minimum və maksimum məbləğlərini təyin etmək və dəyişdirmək hüququna malikdir.
  6. Əlavə xidmətlərin qoşulması və ayrılması zamanı müqaviləyə qoşulmuş xidmətlərin müvafiq siyahısı əlavə olunacaq. Qoşulan xidmətlərin siyahısı bu Muqavilənin ayrılmaz hissəsi olacaqdır.

  1. Tərəflərin məsuliyyəti

  1. Bu Oferta üzrə öhdəliklərinin yerinə yetirilməməsinə və ya lazımınca yerinə yetirilməməsinə görə Tərəflər qüvvədə olan qanunvericiliyə uyğun olaraq məsuliyyət daşıyırlar.
  2. İcraçı məlumat itkisi də daxil olmaqla, Akul xidmətindən istifadə və ya istifadə edə bilməməsi nəticəsində yaranan hər hansı itki və ya zərərə görə məsuliyyət daşımır.

  1. Ofertanın müddəti və ona xitam verilməsi qaydası

  1. Bu Oferta tərəflərin imzaladığı andan qüvvəyə minir və qeyri-müəyyən müddətə qüvvədədir.
  2. Tərəflərdən hər biri Ofertanın gözlənilən xitam tarixindən ən azı 30 (otuz) təqvim günü əvvəl digər tərəfə yazılı məlumat verməklə bu Ofertanı birtərəfli qaydada ləğv etmək hüququna malikdir. Eyni zamanda, müqavilənin ləğvi barədə bildiriş Müştəridən gələrsə, İcraçı balansda qalan pulu Müştəriyə qaytarmır. Ofertanın ləğvi barədə bildiriş çatdırılma bildirişi ilə poçtla göndərilməli və ya yazılı formada təsdiq qarşılığında şəxsən təhvil verilməlidir.
  3. Bu Oferta tərəflərin razılığı ilə istənilən vaxt ləğv edilə bilər.
  4. Digər tərəf bu Oferta üzrə öhdəliklərini yerinə yetirmədikdə və ya lazımınca yerinə yetirmədikdə, bu Oferta tərəflərdən birinin tələbi ilə ləğv edilə bilər.

  1. Məxfilik

  1. Tərəflər, qanunvericiliklə nəzərdə tutulmuş hallar istisna olmaqla, bu Ofertanın icrası zamanı əldə edilmiş digər Tərəfin kommersiya sirlərinə aid məlumatları və məxfi məlumatlarını açıqlamamağı öhdələrinə götürürlər.
  2. Məxfi məlumat biznesə, texnologiyaya, metodlara, prosedurlara, müştərilərə, işçilərə, maliyyə və hüquqi sənədlərə və tərəflərin fəaliyyəti ilə bağlı digər aspektlərə aid hər hansı məlumatdır.
  3. Tərəflər, məxfi məlumatı icazəsiz əldə etmək, istifadə etmək və yaymaqdan qorumaq üçün bütün lazımi tədbirləri görməyə, o cümlədən bu cür məlumatlara yalnız ehtiyac olan halda öz peşə vəzifələrini yerinə yetirmək üçün müvafiq işçilərə ehtiyac aradan qaldırılana qədər istisna olmaqla girişi məhdudlaşdırmağı öhdələrinə götürürlər.
  4. İcraçı, Müştəri tərəfdən texniki dəstək xidmətinə hesabını idarə etmək hüququnu verdiyi təqdirdə əldə edilmiş məxfi məlumatı üçüncü tərəfə ötürməməyi və açıqlamamığı öhdəsinə götürür.
  5. Məxfilik şərtlərinin pozulması qüvvədə olan qanunvericiliyə uyğun olaraq hüquqi məsuliyyətə səbəb ola bilər.

  1. Fors- major

  1. Tərəflər bu Oferta üzrə Oferta bağlandıqdan sonra tərəflərin qabaqcadan görə bilmədiyi və qarşısını ala bilmədiyi fövqəladə hadisələr nəticəsində yaranan fors-major hallara görə öhdəliklərin qismən və ya tam yerinə yetirilməməsinə görə məsuliyyətdən azad edilir.

  1. Digər şərtlər

  1. Bu Ofertaya edilən bütün dəyişikliklər və əlavələr yalnız yazılı şəkildə edildiyi və hər iki tərəfdən imzalandığı təqdirdə etibarlıdır.
  2. Bu Muqavilədə nəzərdə tutulmayan bütün digər məsələlərdə tərəflər mövcud qanunvericiliyi rəhbər tuturlar.
  3. Bu Muqavilə üzrə tərəflər arasında yaranan bütün mübahisələr və fikir ayrılıqları danışıqlar yolu ilə həll ediləcəkdir. Tərəflər razılığa gəlmədikdə, mübahisələr qüvvədə olan qanunvericiliyə uyğun olaraq həll edilir.